Gazeta Si – Policia e Vlorës ka arrestuar 17-vjeçarin me inicialet E.R, i cili aksidentoi për vdekje dy turistët italianë gjatë natës në aksin Sarandë-Ksamil. Dy italianët po lëviznin me një motor rreth orës 03:00 të 24 gushtit, kur u përplasën nga mjeti “Mercedes Benz”, i drejtuar nga 17-vjeçari që nuk kishte mbushur moshën për të pasur lejedrejtimi.
“Në vijim të veprimeve procedurale të kryera për aksidentin e ndodhur në orët e para të mëngjesit të sotëm, në aksin rrugor Sarandë-Ksamil, në vendin e quajtur “Hidrovori”, ku si pasojë, humbën jetën 2 shtetas italianë, specialistët e Seksionit të Policisë Rrugore arrestuan shtetasin E.R., 17 vjeç, për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”, – shkruhet në njoftimin e Policisë.
Drejtori i Policisë së Shtetit, Muhamet Rrumbullaku, për këtë ngjarje pezulloi sot nga detyra Shefin e Seksionit të Policisë Rrugore në Komisariatin e Policisë Sarandë, Nënkomisar A.Sh..
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
