Gazeta Si – Dy persona, të akuzuar për disa grabitje në qytete të ndryshme të vendit, janë arrestuar në Kavajë gjatë operacionit të koduar “Shtegtarët”.
Në pranga kanë rënë B.D., 33 vjeç nga Thumana e Krujës dhe S.V., 28 vjeç nga Tirana. Në një lokal në Golem të Kavajë ata kanë vjedhur televizorë e sende të tjera dhe pas disa ditësh u kthyen sërish në të njëjtin lokal, ku kërcënuan me armë administratorin për të mos kallëzuar ngjarjen.
Gjithashtu nën kërcënimin e armës, u morën celularët 4 klientëve që të mos njoftonin policinë. Të dy këta autorë kanë vjedhur në një banesë në Kavajë, si dhe kanë tjetërsuar duke i çuar për pjesë këmbimi në Kukës, disa automjete të marra me qira.
Gjatë aksionit për kapjen e tyre, në Thumanë të Krujës iu sekuestrua një kallashnikov, municion luftarak dhe 7 milionë Lekë të vjetra. Materialet i kaluan Prokurorisë pranë Gjykatës së Shkallës së Parë Kavajë, për veprat penale “Vjedhja me dhunë”, “Mbajtja pa leje dhe prodhimi i armëve, armëve shpërthyese dhe i municionit”, “Vjedhja” dhe “Kanosja për të mos kallëzuar”, kryer në bashkëpunim, për veprime të mëtejshme procedurale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
