.png)
Gazeta Si – Pas lëshimit nga SPAK të urdhër arrestit për Vanshush Dakon, i vetëdorëzuar tashmë në Drejtorinë e Policisë në Tiranë, ka dhënë komentet e para edhe kryeministri Edi Rama.
Nga Berati, gjatë një takimi me banorë të zonës, kreu i qeverisë është shprehur: “Kemi hyrë në fazë të re. Duhet bërë durim edhe në luftën kundër korrupsionit. Për herë të parë në historinë e popullit tonë po goditen njerëz të lidhur me pushtetin. Nuk është e lehtë. Kjo të bën të ndihesh jo mirë, pasi deri dje ka qenë në krahun tënd dhe sot është përballë avokatit. Me siguri diçka ka ndodhur. Forca e pushtetit mund të përdoret dhe për gjërat që nuk shkojnë.
Asnjëherë nuk duhet lënë, që situata të tilla fyese të lëndojnë krenarinë që je pjesë e kësaj partie që mund të mos zgjidhë shumë probleme, por ka arritur ta kthejë Shqipërinë në një vend, që shumë njerëz nga e gjithë bota duan të vizitojnë”, – tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
