Nga Gazeta ‘Si’ – Marko Roshiç, njëri ndër të dënuarit për vrasjen e politikanit serb, Oliver Ivanoviç është arratisur nga shtëpia në Kosovë.
Lajmi është konfirmuar nga zëvendësdrejtori i Policisë për rajonin e Veriut, Veton Elshani.
“Po, është arratisur. Ai ka qenë në shtëpi”, ka thënë shkurt Elshani.
Më 28 qershor Departamenti Special i Gjykatës Themelore në Prishtinë dënoi me 20 vjet burgim katër të akuzuarit për vrasjen e politikanit serb, Oliver Ivanoviç. Në mesin e të dënuarve është edhe Marko Roshiç për “pjesëmarrje ose organizim i grupit kriminal” lidhur me “vrasje të rëndë, të cilit i është shqiptuar dënim me 10 vjet burgim dhe 10 mijë euro gjobë”.
Asnjëri nga të akuzuarit nuk ishte prezent në sallën e gjyqit në momentin e shpalljes së aktgjykimit.
Të dënuar për vrasjen e Oliver Ivanoviçit janë edhe tre persona të tjerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
