.png)
Gazeta Si – Dy persona janë arrestuar nga policia nën dyshimin se vepronin si furnizues të grupeve kriminale me armë zjarri.
Në pranga kanë rënë dy të rinjtë, Arbër Hasa 19 vjeç dhe Joldi Pesa 20 vjeç, të dy banues në Vorë. Pas një hetimi dy mujor, policia arriti të finalizonte operacionin gjatë të cilit të rinjtë u kapën teksa qarkullonin me një mjet tip “Benz” në rrugën “Qafë Kashar-Rinas”.
Gjatë kontrollit të mjetit, u gjetën 4 pistoleta të modifikuara me silenciatorë të cilat më pas u shiteshin grupeve kriminale për shuma 2 mijë deri në 3 mijë euro. Në momentin e arrestimit, në automjet u gjet dhe një thikë.
Në vazhdim të këtij operacioni, u krye një kontroll në banesën e 49 vjeçarit, një shok i dy të rinjve të arrestuar, ku u gjetën dorezë metalike dhe shkop gome. Për pasojë, nisi procedimi penal edhe për 49 vjeçarin G.Sh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
