.png)
Ari ka prekur një çmim rekord këtë të martë, pas sulmeve që Donald Trump i ka bërë dejtuesit të bankës qendrore amerikane, Jay Powell.
Ari po tregtohet me 3.5 mijë dollarë për onz, me rritje 2.2%. Ndërkohë dollari është zhvlerësuar me 0.2%. Ari, tek i cili disa investitorë mbështeten si një mbrojtje kundër inflacionit, ka qenë një nga fituesit më të mëdhenj nga kthimi i Trump në Shtëpinë e Bardhë. Është rritur me 33% këtë vit.
Në një postim në rrjetet sociale, Trump e etiketoi Powell si “Zoti Vonesa” dhe urdhëroi bankën të ulë menjëherë normën e interesit. Kjo vjen pasi, Poëell, drejtuesi i bankës Federale, kritikoi Trump për tarifat e vendosura duke thënë se do të nxisin inflacionin dhe do të ngadalësonin rritjen ekonomike.
Tensioni midis qeverisë dhe bankës është një betejë e re për investitorët që po përballen edhe me pasojat e tjera të politikave agresive të Trump.
Deklarata e Trump rrezoi me 2.4% aksionet e S&P 500 dhe me 2.6% Nasdaq. Indeksi europian Stoxx 600 ra me 0.3%.
Në tregjet e obligacioneve, yield-et e thesarit u rritën. Yield-i 10-vjeçar u rrit me 0.02 pikë përqindje në 4.4%, ndërsa yield-i 30-vjeçar u rrit me 0.02 pikë përqindje në 4.93%.
Presidenti e ka kritikuar shpesh Powellin për mos uljen e normave të interesit me shpejtësi të mjaftueshme, ndërsa kryetari i Fed ka thënë se ai kurrë nuk do të ndikohej nga presioni politik.
Investitorët dhe ekonomistët thanë se një përpjekje e Trump për të hequr Powell para përfundimit të mandatit të tij në maj 2026, do të rrezikonte të shkaktonte dëme në ekonominë amerikane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
