.png)
Ajo filloi të këndojë në një moshë shumë të re, në korin e ungjillit të kishës së babait të saj: “mbretëresha e shpirtit” Aretha Franklin, e lindur në 1942 dhe vdiq në 2018, është në qendër të dokumentarit “Rock Legends”. Talenti i saj i padiskutueshëm u shoqërua me një jetë private të trazuar dhe komplekse, mes shtatzënive të hershme dhe abuzimit në familje. Por zëri dhe karizma e saj kanë qenë frymëzim për të gjithë brezat e mëpasshëm të këngëtareve.
Fëmija i parë në moshën 12 vjeç
Rrethanat nuk janë sqaruar asnjëherë dhe identiteti i babait nuk është vërtetuar kurrë, por Aretha Franklin lindi fëmijën e saj të parë, Clarence, vetëm 12 vjeç. Një nga hipotezat është se ajo ishte përdhunuar nga një mik i familjes, por vetë këngëtarja foli më pas për një djalosh, ndoshta një shok klase, ndoshta i njëjti baba i fëmijës së saj të dytë (Edward, që e lindi në moshën 15-vjeçare). Aretha më pas u bë nënë dy herë të tjera.
Dasma
Franklin u martua dy herë: Ajo u martua me burrin e saj të parë, Ted White, në moshën 18-vjeçare, një martesë e mbushur me abuzime dhe dhunë në familje që përfundoi në vitin 1968. Më vonë ajo u martua me aktorin Glynn Turman, me të cilin u divorcua në vitet ‘80.
Frika nga fluturimi
Aretha Franklin rrallë bënte turne jashtë vendit edhe për shkak të frikës së saj nga fluturimi, e cila u bë e pakapërcyeshme për shkak të një përvoje traumatike që ndodhi në fillim të viteve ‘80, pas së cilës ajo dha vetëm koncerte në Amerikën e Veriut, duke udhëtuar me autobus:
“Unë fluturova nga Atlanta me një aeroplan shumë të vogël atë kohë dhe ishte një fluturim i tmerrshëm, tha ajo disa vjet më vonë. – Tani jam një person shumë i lidhur me tokën”.
Polemikat e komunitetit transgjinor
Së fundmi “Natural woman”, një nga këngët më të njohura të Aretha Franklin, u kritikua nga një pjesë e komunitetit queer.
Sipas këtij komuniteti do të ishte ofenduese dhe e dëmshme për gratë transgjinore, duke krijuar stereotipe të rrezikshme. /Il Corriere della Sera/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
