Ndeshja Tunizi-Mali në Kupën e Afrikës përfundoi në kaos total për shkak të vendimeve të arbitrit. Janny Sikazwe nga Zambia pushtoi botën me atë që bëri gjatë minutave të fundit, kur së pari e mbylli ndeshjen në minutën e 85-të.
Më pas, pas protestave të forta të tunizianëve, e rinisi lojën dhe e ndërpreu para minutës së 90-të, duke mos dhënë asnjë minutë shtesë, kur duhej të ishin të paktën 5 të tilla. Mediet afrikane kanë zbuluar arsyen e sjelljes së çuditshme të arbitrit nga Zambia. Sipas tyre, atij i kishte rënë dielli në kokë dhe nuk ndihej mirë.
Për shkak të kësaj gjendjeje, arbitri humbi përqendrimin. Pas ndeshjes, gjithmonë sipas medieve afrikane, ai ka shkuar në spital për të bërë kontrollet e nevojshme.
Kupa e Afrikës vazhdon të prodhojë çudira edhe me atë që ndodh në fushë, përveç çështjes së sigurisë, që mbetet një nga problemet kryesore. Forcat e armatosura dhe autoblindat shihen kudo në Kamerun, në hotele dhe fusha stërvitje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
