.png)
Gazeta Si – Një mbrëmje jo e mirë për arbitrat dhe VAR-in e ndeshjes mes Juventusit dhe Seviljes, që përfundoi 1-1. Kontrolluan golin e Gatit në shtesë, por jo goditjen e Bade ndaj Rabiot, që ishte një penallti neto.
Sa më shumë pamje shihen, aq më shumë evidentohet goditja me taka e lojtarit të Seviljes në pulpën e djathtë të mesfushorit juventin. Përveç faulleve dhe administrimit të kartonëve, Siebert lejoi goditjen e këndit për Juventusin përtej shtesës, që solli golin e barazimit.
Again #UEFA 🤡🤡🤡 pic.twitter.com/ReJRJeEekL
— Around Turin (@AroundTurin) May 11, 2023
Për episodin e penalltisë ka folur vetë Rabiot: “Faull i rëndë, ishte neto, por VAR-i nuk bëri asgjë. Arbitri nuk reagoi, VAR-i nuk e thirri, nuk e di pse, por për mua është faull neto. Duhet të përqendrohemi te ndeshja e së enjtes së ardhshme”, – tha francezi.
Adrien Rabiot tregoi gjatë intervistës pas ndeshjes në tv edhe shenjat që kishin lënë takat e Bade në këmbën e tij. “Luftuam deri në fund, jam i lumtur për Gatin dhe skuadrën, kemi shpresa për ndeshjen e kthimit. Duhet të kemi më shumë kujdes nga kundërsulmet e tyre. Mbajnë gjithmonë 2-3 lojtarë lart dhe shkojnë me shpejtësi drejt portës.”
Ndeshja e parë gjysmëfinale e Ligës së Europës mes Juventusit dhe Seviljes përfundoi në barazim, 1-1.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
