Gazeta Si – Apolonia ka shënuar sot një rezultat historik. Klubi fierak e ka shkuar historinë me ekipin e të rinjve, që është kualifikuar për në turin e dytë të Ligës së Kampionëve për të rinj.
Apolonia U-19 mundi sot kazakët e Astanës U-19, me rezultatin 3-1. Ndeshja u luajt në stadiumin “Loni Papuçiu”, ku tifozeria fierake i dha një dorë skuadrës së drejtuar nga trajneri Bledar Borova, duke e mbështetur gjithë kohën.
Maksuti shënoi dy golat e parë për Apoloninë dhe më pas Kurti thelloi rezultatin. Kundërshtari shënoi vetëm golin e nderit në këtë ndeshje. Në turin e dytë të Ligës së Kampionëve për të rinj Apolonia do të ndeshet me kroatët e Hajduk Split.
Kundërshtari i radhës është shumë më i fortë. Ndeshja e parë do të luhet në Fier, më 26 tetor, ndërsa ndeshja e kthimit në Kroaci, më 2 nëntor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
