Gazeta Si – Gjykata e Posaçme e Apelit ka refuzuar të lirojë Bledar Zenelin, i cili u arrestua në fillim të gushtit me dyshimet se me anë të rrjeteve sociale bënte propaganda për Shtetin Islamik dhe thirrje për sulme terroriste.
Gjithashtu Gjykata e Shkallës së Dytë shpalli moskompetencën për dosjen, duke e dërguar dosjen në Gjykatën e Apelit Durrës.
Zeneli ka pranuar se ka publikuar statuse të tilla në rrjetet e tij sociale, por ka pretenduar se ato nuk janë për qëllime ekstremiste dhe se në një pjesë të tyre ka cituar Kuranin.
Zeneli u arrestua në 2 gusht nga Antiterrori, pasi dyshohet se shpërndante thirrje terroriste dhe nxitje të urrejtjes nëpërmjet rrjeteve sociale, në mbështetje të ISIS.
Ndërkohw ai akuzohet për kryerjen e veprave penale: “Nxitjes thirrjes dhe propagandës për kryerjen e veprave me qëllime terroriste” dhe “Nxitjes së urrejtjes ose grindjeve”
30-vjeçari me profesion murator dhe elektriçist u la në arrest me burg nga Gjykata e Posaçme më 4 gusht, pasi SPAK e dyshon se ai nxiti urrejtjen në rrjetet sociale dhe kreu propagandë për qëllime terroriste.
I dyshuari i ka mohuar akuzat e antiterrorist, që për dy vjet e vëzhgoi përmes kompjuterit për postimet që ai shpërndante në Twitter, Facebook dhe Instagram dhe që SPAK i konsideron si mbështetje të ISIS dhe kundër shtetit shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
