Një koment për shortin e Ligës së Kombeve ka dhënë së fundi edhe Berat Gjimshiti, një nga titullarët më të rëndësishëm të Kombëtares shqiptare. Për faqen e FSHF-së, ashtu si Berisha dhe Gjasula, edhe lojtari i Atalantës është shprehur me optimizëm, edhe pse pranon vështirësitë.
Apeli i Gjimshitit është që kuqezinjtë të luftojnë fort për çdo pikë dhe të konfirmojnë rritjen si skuadër. “Për mendimin tim, shorti i Ligës së Kombeve është i vështirë për Shqipërinë, por them se do të na dhurojë emocione të bukura sa u përket sfidave që do të kemi, sepse do të përballemi me skuadra shumë të forta.
Objektivat duhen përcaktuar me kalimin e kohës, është e rëndësishme që të luftojmë për çdo pikë në këtë grup dhe të tregojmë vlerat tona, të konfirmojmë edhe një herë rritjen e Kombëtares shqiptare në kohët e fundit”, – ka theksuar mbrojtësi Berat Gjimshiti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
