Nga Gazeta ‘Si’- Presidenti i Këshillit të BE, Antonio Costa do të takojë sot liderët e Ballkanit Perëndimor në Bruksel.
Costa do të zhvillojë takim me kryeministrin Edi Rama në orën 16:00 dhe më pas me kryeministrin e Maqedonisë së Veriut Hristijan Mickovski.
Sipas agjendës, ai do vijojë takimet më vonë me presidentin e Serbisë Aleksander Vuçiç dhe kryeministrin e Kosovës, Albin Kurti.
Në darkë, në orën 20:00, Costa do të zhvillojë një darkë informale me liderët.
Kurti, Vuçiç dhe Rama do të ulen në një tryezë pas zhvillimeve të reja në veri të Kosovës, ku qeveria e Kurtit akuzon Serbinë pas shpërthimit terrorist mbi kanalin Ibër-Lepencë, në Zubin Potok.
Në një reagim, Rama kërkoi nga Brukseli heqjen e masave ndaj Kosovës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
