.png)
Anton Qafarena, volejbollisti shkodran i Kombëtares shqiptare që këtë sezon luan në Ukrainë, me VC Barkom-Kazhany, ka treguar vlerat e tij në finalen e Superkupës. Skuadra e tij fitoi 3-0 ndaj Volleyball Club Zhytychi, ndërsa Qafarena është shpallur lojtari më i mirë i ndeshjes, me 19 pikë të shënuara.
Volejbollisti shqiptar ka lënë shenjën e tij në këtë finale, duke fituar si në nivelin ekipor, ashtu edhe atë individual. Falë përvojës së tij, Qafarena ka qenë vendimtar në suksesin e VC Barkom-Kazhany. Ai synon që në Ukrainë të fitojë edhe titullin kampion.
“Në kampionat kemi vetëm fitore deri tani, por kemi 5 ndeshje më pak, sepse muajin e kaluar ekipi ynë ishte në karantinë dyjavore, ngaqë disa lojtarë dolën pozitiv me Covid-19. Mendoj se po shkojmë drejt suksesit të titullit kampion”, – ka thënë Qafarena për “Veriu Sport”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje