Gazeta Si – UEFA është në pritje të zhvillimeve të hetimit për pagat, që vë në rrezik akordin për ‘Fair play’-in financiar të shtatorit.
Mbi Juventusin, pas dënimit me 15 pikë minus në kampionat, rri një tjetër hije kërcënuese. UEFA e konsideronte çështjen e plusvalencave elementin më pak të rëndë të hetimit, sepse të fiksosh vlerën e një futbollisti nuk është një veprim matematikor. Furtuna e Federatës Italiane të Futbollit e ka surprizuar Nionion dhe është e paevitueshme që ai të mos marrë vendime europiane.
UEFA pret zhvillimet nga hetimi për pagat, elementi më i rrëzikshëm që vë në diskutim akordin e ‘Fair play’-it financiar. Kjo do të thotë se komplikohet edhe më tepër rruga drejt Kupave të Europës për bardhezinjtë. Sanksionet e mundshme të UEFA-s do t’i përkisnin sezonit të parë që Juventusi kualifikohet në fushë.
Dhe gjithçka ndodh në një skenar konfliktual si ai i Superligës. UEFA nuk do hakmarrje, por edhe tolerime nuk mund të bëjë. Një ndryshim sjelljeje nga drejtuesit e rij të klubit do ta bënte më pak të ashpër skenarin.
Sentenca federale është një pengesë serioze për kupat ’23-24. Juventusi i ka numrat për të rikuperuar -15 pikë në klasifikim për të zënë një vend në Ligën e Kampionëve, Ligën e Europës apo Ligën e Konferencës. Nëse llogaritë dalin në rregull, fiton të drejtën e licencimit nga UEFA.
Por Nioni mund të marrë masa edhe për “veprime antisportive”, që dalin nga përgjimet dhe që sollën stuhinë e fundit. Në këtë drejtim Nioni mund të vendosë për një tjetër ndëshkim. Dhe kuptohet, tjetër gjë është të humbasësh Ligën e Kampionëve dhe tjetër gjë të humbasësh Ligën e Europës apo të Konferencës.
Pastaj është çështja e pagave, me rrezikun e pagesave në të zezë. Kjo është edhe çështja më e rrezikshme për Juventusin, sepse futet te ‘Fair play’ financiar. Në shtator klubi bardhezi bëri një pakt me UEFA-n, në shkëmbim të një gjobe prej 3.5 milionë eurosh, limitim të grupit në 23 lojtarë dhe merkatos.
Nëse nuk hyn në parametrat e duhur brenda tri vjetësh, gjoba shkon në 23 milionë euro dhe klubi rrezikon një vit përjashtim nga kupat. Nëse provohet sjellja mashtruese e klubit, pra komunikimi i shifrave false për të rregulluar defiçitin, pasojat do të ishin shumë më të rënda për Juventusin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
