.png)
Te të rriturit jo të shtruar në spital, të pavaksinuar me COVID-19 të butë deri në mesatar, trajtimi me një dozë të lartë të ilaçit “antacid famotidine” ndihmoi në përshpejtimin e përmirësimit të simptomave dhe inflamacionit në një provë të vogël të rastësishme.
Përafërsisht gjysma e atyre në eksperimentin me 55 pacientë morën famotidinë - përbërësi kryesor në ilaçin e përdorur gjerësisht për urthin - tre herë në ditë për dy javë.
Të tjerët morën një pilulë që nuk përmbante ilaç. Pacientët në grupin e famotidinës patën zgjidhje më të shpejtë të 14 nga 16 simptomat e vlerësuara në studim, duke përfshirë humbjen e nuhatjes dhe shijes, vështirësi në frymëmarrje dhe dhimbje barku.
Trajtimi me famotidine çoi gjithashtu në përmirësime më të shpejta në shënuesit e inflamacionit pa ndonjë efekt të dëmshëm në përgjigjet imune të pacientëve, raportuan studiuesit në revistën shkencore “Gut”.
Rreth një e treta e pjesëmarrësve të studimit ishin me ngjyrë dhe një e katërta hispanike.
"Shpresojmë që të dhënat që po ndajmë me këtë studim të udhëheqin provat e ardhshme që janë të nevojshme për të konfirmuar famotidinën si një trajtim për pacientët me COVID-19," tha në një lajm udhëheqësi i studimit Tobias Janowitz nga Northwell Health dhe Cold Spring Harbor Laboratory.
Burimi:Reuters/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
