.png)
Gazeta Si – Apeli i Gjykatës së Posaçme ka rrëzuar kërkesën e bërë nga bashkëshortja e Veliajt, Ajola Xoxa për kthimin e celularit të sekuestruar nga SPAK.
Celulari ishte sekuestruar gjatë kontrolleve për llogari të hetimeve ndaj saj dhe bashkëshortit të saj Erion Veliaj që është i arrestuar me akuzat për korrupsion dhe fshehje të pasurisë.
Në njoftimin e GJKKO-së, shkruhet se Xoxa ka mundësi të ankimojë këtë vendim brenda 45 ditëve duke nisur nga dita e nesërme.
Bashkëshortja e kryebashkiakut Erion Veliaj, nuk ishte e pranishme në seancën e kësaj të marte ku u përfaqësua nga avokati i saj.
Mbi Xoxën rëndojnë 3 akuza: korrupsion pasiv të kryer në 9 raste, pastrim parash dhe fshehje pasurie. Ajo ndodhet nën masën e sigurisë “detyrim paraqitje”.
Me këtë vendim, Apeli lë në fuqi masën e dhënë më herët nga shkalla e parë, duke i dhënë të drejtë kërkesës së prokurorisë për të sekuestruar pajisjen si pjesë e hetimeve në vijim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
