.png)
Nga Gazeta ‘Si’- Votuesit e Diasporës të cilët mund të kenë probleme me gjetjen e emrave në listave apo problematika të tjera në 11 Maj, do të kenë mundësi të ankohen në rrugë gjyqësore.
Këshilli i Lartë Gjyqësor (KLGJ) ka miratuar një platformë elektronike që mundëson paraqitjen online të kërkesave nga zgjedhësit që votojnë jashtë Shqipërisë.
Diaspora@gjykata.gov.al, është adresa zyrtare e miratuar në të cilën shtetasit shqiptarë që jetojnë jashtë vendit dhe që nuk e gjejnë emrin në listën e zgjedhësve ose kanë pasaktësi në të dhënat e tyre, mund të bëjnë kërkesë për të votuar.
Gjykata do të shqyrtojë dhe vendosë për këto kërkesa përmes platformës “Microsoft Teams” brenda 48 orëve nga momenti i regjistrimit në sistemin elektronik të menaxhimit të çështjeve.
KLGJ ka vendosur që Gjykata e Tiranës të jetë e vetmja gjykatë në rang vendi që do të shqyrtojë kërkesat e shtetasve që jetojnë jashtë vendit dhe që online shprehin interes për të votuar në zgjedhjet e 11 majit 2025.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
