.png)
Produkte si pjata, lugë, pirun dhe tabaka plastike do të ndalohen në Angli.
Ministrja e Mjedisit Thérèse Coffey tha se kjo do të ndihmojë në mbrojtjen e mjedisit edhe pse nuk dha një datë se kur do të hyjë në fuqi ligji.
Aktivistët e pritën mirë këtë ndryshim por kanë kërkuar që të ketë një strategji më të madhe për reduktimin e plastikës.
Sipas shifrave të qeverisë, në një vit përdoren 1.1 miliardë pjata plastike në Angli.
Mbetjet plastike shpesh nuk dekompozohen dhe mund të qëndrojnë në landfill për shumë vite.
Konfirmimi i lëvizjes nga Departamenti për Mjedisin dhe Ushqimin vjen pas një konsultimi të gjatë, i cili do të publikohet më 14 janar.
Çdo person në Angli përdor mesatarisht 18 pjata plastike njëpërdorimshme dhe 37 artikuj plastikë çdo vit dhe vetëm 10 për qind e tyre riciklohen.
“Unë jam e vendosur të trajtoj këtë problematikë dhe ky është një hap i madh”, tha Coffey.
Ndalime të ngjashme janë bërë tashmë në Skoci dhe Uells.
Megjithatë, kjo masë e fundit nuk mbulon artikujt që gjenden në supermarkete apo dyqane. Qeveria tha se do të ketë mënyra të tjera se si do të trajtohet kjo problematikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
