Gazeta Si – Napoli i këtoj sezoni po i mahnit të gjithë dhe nuk ka vonuar për t’i vënë epitete të ndryshme skuadrës së Spaletit. Pas fitores tenistike në shtëpinë e Ajaksit në Champions, kjo skuadër është quajtur ‘hyjnore’ dhe ‘kozmike’.
Përveç yllit të ri Kvaratshkhelia, te Napoli ka rënë në sy loja shumë e mirë e disa titullarëve, ku bën pjesë edhe mbrojtësi Amir Rrahmani. Me ikjen e Kulibali u mendua se Spaleti do të vuante në mbrojtje, por kosovari dhe koreani Kim kanë qenë një digë e vërtetë.
Rrahmani, një profesionist i vërtetë, është pa frikë një nga kolonat kryesore të këtij Napoli. Kapiteni i Kosovës nga sezoni në sezon ka treguar rritje në Serinë A. Gjithçka falë punës dhe këmbënguljes për ish-lojtarin e Partizanit.
Labotka, Anguisa dhe Di Lorenco janë lojtarët e tjerë që e kanë rritur ndjeshëm nivelin dhe e kanë bërë Napolin një makineri që funksinon në mënyrë perfekte.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
