.png)
Gazeta Si – Pas disa ditësh polemikash, Keir Starmer është dorëzuar: Peter Mandelson është liruar nga detyrat e tij, si Ambasador Britanik në Shtetet e Bashkuara të Amerikës.
Ministria e Jashtme njoftoi lajmin në prag të vizitës së parë shtetërore të Donald Trump në Mbretërinë e Bashkuar. Mandelson është kritikuar ashpër për lidhjet e tij me Jeffrey Epstein.
Email-et midis veteranit 71-vjeçar të Partisë Laburiste dhe pedofilit të ndjerë amerikan, ndërmjetësues, të zbuluara këtë javë “tregojnë se thellësia dhe gjerësia e marrëdhënies së Peter Mandelson me Jeffrey Epstein është thelbësisht e ndryshme nga ajo e njohur në kohën e emërimit të tij”, thuhej në një deklaratë nga Ministria e Jashtme Britanike.
Në dritën e këtyre gjetjeve, “dhe nga respekti për viktimat e krimeve të Epstein”, Mandelson “është larguar nga pozicioni i tij si ambasador me efekt të menjëhershëm”.
Kjo përfaqëson një tjetër goditje dhe një tjetër turp serioz për kryeministrin laburist, Keir Starmer, i cili e kishte mbrojtur atë në Parlament një ditë më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
