Nga Gazeta ‘Si’-Pas tensioneve të shtuara në javët e fundit, në lidhje me sulmin terroristë në Banjskë, ambasadori i Shteteve të Bashkuara të Amerikës në Beograd, Christopher Hill dhe ai i Bashkimit Europian, Emanuele Giaufret zhvilluan një vizitë në dy baza ushtarake të Serbisë në jug të vendit.
Sipas burimeve, vizita e dy diplomatëve, vjen disa ditë pas ultimatumit të Perëndimit, ndaj Beogradit për të tërhequr trupat nga kufiri me Kosovën
Të pranishëm në këtë takim, ishin dhe ministri serb i Mbrojtjes, Millosh Vuçeviç dhe shefi i Shtabit të Përgjithshëm të Forcave të Armatosura të Serbisë, gjenerali Millan Mojsilloviç.
Disa media në Serbi raportuan se diplomati amerikan zbarkoi në helikopterin e ushtrisë serbe në kazermën “Stefan Nemanja” në Rashkë dhe e vizitoi kazermën “Rifat Burxheviç Trsho” në Novi Pazar.
Të dyja kazermat ndodhen afër kufirit të Serbisë dhe Kosovës.
“Gjatë vizitës ambasadorët e SHBA-së dhe BE-së patën mundësinë të sigurohen që njësitet e Forcave të Armatosura të Serbisë në atë zonë kryejnë vetëm detyrat e tyre të rregullta”, njoftoi Ministria e Mbrojtjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
