Në qytetin e Kuçovës është rritur numri i të prekurve nga COVID-19. Dosja.al ka mësuar se ditën e sotme janë konfirmuar pozitivë dy punonjës të një banke.
Bëhet me dije, se të infektuarit janë drejtori dhe arkëtarja. Ata ishin në karantinë prej ditësh, pas regjistrimit të rastit të parë me COVID-19 në këtë filial.
Po ashtu janë konfirmuar me COVID-19 edhe një çift bashkëshortësh, të cilët kanë një byrektore në mes të tregut të madh. Tregtarët e tjerë janë alarmuar dhe kanë kërkuar të kryejnë tamponin.
Ndërkohë Drejtoria e Shëndetit Pubik, ka dezinfektuar tregun, i cili do të qëndrojë i mbyllur për një javë. Njëkohësisht ISHP po kryen edhe hetimin epidemiologjik për personat e infektuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
