Gazeta Si – Dy persona, të shpallur në kërkim ndërkombëtar, janë ekstraduar nga Franca. Ish-drejtori i Zyrës së Kadastrës Kurbin, 52-vjeçari Kastrot Piroli është estraduar nga Franca në Shqipëri.
Piroli ishte dënuar me 5 vjet burgim nga Gjykata e Rrethit Gjyqësor Kurbin për veprën penale “shpërdorimi i detyrës”, kryer në bashkëpunim.
Gjithashtu, është bërë i mundur ekstradimi i ish-policit 42-vjeçar me iniciale I.J. nga Franca drejt vendit tonë. Për ish-policin, Gjykata e Vlorës kishte caktuar masën e sigurisë “arrest në burg” më datë 13 dhejtor 2020 për veprën penale “shpërdorimi i detyrës”.
42-vjeçari akuzohet se gjatë kohës që ka qenë SPZ në Njësinë Administrative Horë të Bashkisë Himarë, me veprimet dhe mosveprimet e tij ka favorizuar persona të ndryshëm që të ushtronin veprimatarinë kriminale të kultivimit të narkotikëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
