.png)
Gazeta Si - “Po, kam vënë baste me lojtarë që luajnë ende në Serinë A dhe të tjerë që sot punojnë në Federatën Italiane të Futbollit. Nuk kam bërë regjistrime, por kam prova. Më kanë kritikuar në gazeta, por të parët ishin ata".
Janë fjalët e Marko Paolonit, ish-portier me një karrierë të pasur në Serinë B, gjatë emisionit të Rai 3, ‘Avanti Popolo’. Ish-portieri u pezullua nga federata italiane me akuzën se kishte hedhur pilula gjumi në shishet e ujit të shokëve te Kremoneze për të ndikuar në rezultatin e një ndeshjeje. Më pas ai doli i pafajshëm nga gjykata penale.
Paoloni ka thënë për ‘Corriere della Sera’ se kishte rënë në grackën e varësisë nga kumari. “Luaja mbi çdo lojë, por kurrë nuk kam shitur asnjë ndeshje. Në tre vjet rreth 600 mijë euro, fitoja 200 mijë në vit. E fillova tek Askoli me një shok skuadre që më tregoi një sit, si Faxholi me Tonali. Unë nuk e dija, por prapa ishin qëllimet e këqija, gjithçka niste nga Singapori", - ka thënë Paoloni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
