Gazeta Si – Një 27-vjeçar me iniciale G.H., u arrestua në Fier, pasi aksidentoi mbrëmjen e së dielës për vdekje punonjësin e policisë, Agron Saba, 58 vjeç. Ky i fundit shërbente në stacionin e Policisë në Patos.
Ngjarja ndodhi në aksin Patos-Fier dhe sipas asaj që njoftoi policia, Saba ishte në drejtimin e një makine “Opel” kur u përplas me “Benz”-in e të riut. Plagët që mori ishin të rënda dhe për pasojë ai humbi jetën.
G.H. u arrestua në kushtet e flagrancës dhe akuzohet për shkelje të rregullave të qarkullimit rrugor.
Materialet procedurale i kaluan Prokurorisë për veprime të mëtejshme, njoftoi policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
