Gazeta Si – Nxirren nga vendi i aksidentit të gjithë trupat e viktimave të shkaktuara pas rrëzimit të avionit në shtetin brazilian të São Paulos.
Ekipet e kërkim-shpëtimit punuan për të gjetur dhe identifikuar viktimat e tragjedisë, pasi aeroplani i linjës ajrore “Voepass” u rrëzua në qytetin e Vinhedos.
Në avion ndodheshin 58 pasagjerë dhe 4 anëtarë të ekuipazhit, të cilët fatkeqësisht humbën jetën të gjithë.
A plane carrying dozens of passengers crashed in Brazil’s Sao Paulo state, local media reported https://t.co/Qi7w5GibTy pic.twitter.com/qD6ie77mHG
— Daily Mail Online (@MailOnline) August 9, 2024
Trupat e 35 meshkujve dhe 28 femrave u dërguan në një morg në qytetin e São Paulo, ku do të identifikohen dhe do t’u jepen familjeve.
Dy nga viktimat, piloti dhe bashkëpiloti tashmë janë identifikuar. Kapiteni Danilo Santos Romano, 35 vjeç, ishte viktima e parë e identifikuar.
Anëtarët e familjes do të qëndrojnë në një hotel në qytet për të ndihmuar në identifikimin e viktimave. Për identifikimin e trupave ekipet po mbështeten në një numër faktorësh.
Këtu përfshihen dokumentet dhe pozicioni i trupave në lidhje me ndenjësen, si dhe telefonat celularë të gjetur pranë disa prej viktimave.
Pamjet nga momenti i rrëzimit tregojnë avionin që bën rrotullime të çuditshme dhe më pas bie në tokë duke shpërthyer në flakë.
Sipas zyrtarëve, hipoteza më e mundshme deri tani është ajo e akullit. Rezulton të ketë pasur një paralajmërim meteorologjik për akull në lartësinë deri në 6.400 metra mbi nivelin e detit dhe përpara aksidentit, ATR po fluturonte në 5.200 metra lartësi, sipas mediave të huaja.
Akulli është i rrezikshëm sepse përveçse rëndon avionin, ai nxjerr jashtë funksionit edhe disa prej sistemeve të tij.
Një ekspert i aviacionit civil sakaq, kapiteni Ross Aimer, mendon se duhet parë edhe mundësia e një problem në motor, një keqfunksionim i pajisjeve të fluturimit apo humbja e një pjese të rëndësishëm të avionit në ajër, si psh rënia e një pjese të krahut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
