.png)
Gazeta Si – Një aksident me pasojë vdekjen ka ndodhur në aksin rrugor Lezhë-Shkodër në afërsi të fshatit Balldre.
Dy automjete, tip “Benz”, një furgon me targa serbe dhe një makinë me targa shqiptare, janë përplasur me njëra-tjetrën, ku për pasojë ka humbur jetën shoferi shqiptar.
Sipas burimeve paraprake, shoferi shqiptar ishte oficer i policisë kufitare, por ende nuk dihet identiteti i plotë i tij.
Ai ka mbetur i bllokuar në makinë, e cila është prerë për të nxjerrë trupin dhe për t’i dhënë ndihëm e parë mjekësore por fatkeqësisht ai ka ndërruar jetë në vendngjarje.
Në furgonin me shtetas serb, fatmirësisht nuk ka asnjë të lënduar. Ende nuk dihen shkaqet e aksidentit, ndërsa hetimet për ngjarjen e rëndë vijojnë.
Ky është aksidenti i dytë tragjik brenda pak orësh, pasi më herët, një makinë ka dalë nga rruga, ku humbi jetën një 35-vjeçar, i cili udhëtonte si pasagjer.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
