Një aksident ka ndodhur mbrëmjen e të martës në afërsi të fshatit Drithas në Maliq.
Fillimisht u raportua për dy të aksidentuar vëllezër. Por pak orë më vonë, Policia njoftoi se bëhej fjalë vetëm për një person. Policia e Korçës njoftoi për një aksident me pasojë vdekje në rrugën dytësore Drithas-Rrëmbec.
Sipas bluve, një automjet ka aksidentuar një 58-vjeçar me iniciale R.H. i cili lëvizte me biçikletë.
58-vjeçari ka ndërruar jetë, ndërsa drejtuesi i automjetit është larguar nga vendngjarja.
Grupi hetimor po punon për identifikimin e kapjen e drejtuesit të automjetit dhe përcaktimin e shkaqeve të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
