Gazeta Si – Një aksident ka ndodhur në aksin Librazhd-Elbasan, ku dy automjete janë përplasur me njëra-tjetrën. Ngjarja ndodhi rreth orës 11:50 në afërsi të vendit të quajtur “Kthesa për Babje”.
Sipas burimeve paraprake, një autoveturë “BMW” është përplasur me një tjetër makinë tip ‘Range Rover’ në tentativë për të parakaluar.
Gjendja e drejtuesve është jashtë rrezikut për jetën dhe ata janë shoqëruar në Spitalin Rajonal të Elbasanit.
Të dy automjetet kanë pësuar dëme të konsiderueshme materiale. Fatmirësisht nga aksidenti ka patur vetëm dy të dëmtuar lehtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
