Gazeta Si- Një fëmijë 4 vjeç ka humbur jetën këtë të enjte në Shkodër, si pasojë e një aksidenti automobilistik rreth orës 13:00, në aksin rrugor Shkodër-Velipojë, në vendin e quajtur “Pulaj-Plazh”.
Sipas policisë, “një automjet me drejtuese një 22-vjeçare me iniciale K.B., u përplas me automjetin me drejtues një 38-vjeçar me iniciale P.C. Nga përplasja e automjeteve ka humbur jetën një 4-vjeçar, ndërsa personat e tjerë të dëmtuar janë në kujdesin e mjekëve”.
Sipas burimeve, përplasja ka qenë tepër e fortë, duke shkaktuar disa të plagosur, e për fat të keq humbjen e jetës së një fëmije, që udhëtonte në njërin prej mjeteve të përfshira në këtë aksident.
Në vendngjarje ndodhet grupi hetimor, i cili po punon për sqarimin e rrethanave të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
