Gazeta Si – Dy të vdekur është bilanci i aksidenteve rrugore që janë regjistruar këtë të dielë në vetëm 5 minuta diferencë kohore nga njëra-tjetra, në Fier dhe Koplik.
Një aksident tragjik ka ndodhur në aksin Fier-Seman, në fshatin Topojë, ku një automjet tip “Mercedes-Benz” ka përplasur për vdekje banorin e zonës, V.S.,, rreth 60 vjeç, i cili po udhëtonte me motomjetin e tij.
Sipas banorëve, automjeti ishte futur në parakalim dhe i bllokoi krahun viktimës, duke e hedhur atë në një kanal pranë rrugës.
Rreth mesditës, një tjetër aksident me pasojë vdekjen ndodhi këtë të diel, ku një 66-vjeçar humbi jetën në aksin Koplik-Bajzë.
Viktima ishte duke udhëtuar me një motor kur është përplasur nga makina. Si pasojë e dëmtimeve të rënda, ai humbi jetën. Ndërkohë shoferi i makinës është shoqëruar në komisariat për veprime të mëtejshme.
Po ashtu sot, u përfshi nga flakët një automjet tip “Ford” në afërsi të fshatit Kaninë, duke ecur përgjatë “by-passit” të Vlorës.
Shkak dyshohet një shkëndijë elektrike, por dhe temperaturat e larta si dhe trafiku i rënduar në këtë të diel. Automjeti është djegur totalisht ndërsa fatmirësisht nuk ka të lënduar.
Pak minuta më pas, një tjetër makinë është u përfshi nga flakët përgjatë “by-passit” në afërsi të fshatit Babicë.
Shoferi dhe familjarët kanë dalë nga makina e cila ka marre flakë në pjesën e parë dhe pikërisht ne motor për shkak te nxehtësisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
