.png)
Gazeta Si – Një aksident i rëndë masiv ka ndodhur në Luiziana, në Shtetet e Bashkuara të Amerikës, për shkak të mjegullës dhe tymit të krijuar nga disa zjarre që përfshiu një autostradë.
Në “Interstate 55”, pranë Nju Orleans, 158 automjete u përfshinë në një seri aksidentesh që lanë shtatë persona të vdekur.
Ekipet e shpëtimit që u përgjigjën në vendngjarje iu desh të nxirrnin shumë shoferë nga makinat e tyre.
Dy faktorë me sa duket shkaktuan në këtë aksident të pazakontë në SHBA.
E para ishte mjegull e dendur, e dyta tymi nga disa zjarre që shpërthyen në kënetat e Luizianës jugore.
Kështu, mjegulla dhe tymi së bashku eliminuan dukshmërinë në autostradë, – thanë autoritetet policore lokale.
Më tej, një kamion i përfshirë në aksident ka marrë zjarr dhe flakët janë përhapur edhe në makina të tjera, duke e përkeqësuar situatën.
Kur mbërritën zjarrfikësit, policia dhe shërbimet e urgjencës, gjetën makina të përpira nga flakët, të tjera të kthyera në skrap, fuoristrada që kishin përfunduar në çatitë e makinave të tjera dhe mbi të gjitha shtatë trupa të pajetë dhe dhjetëra të plagosur.
U deshën orë të tëra për të pastruar autostradën “Interstate 55”, e cila kalon mbi liqenin Pontchartrain.
Guvernatori John Bel Edëards në një deklaratë u bëri thirrje njerëzve të dhurojnë gjak për të ndihmuar të plagosurit që po trajtohen në spital.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
