.png)
Nga Gazeta 'Si'-Një aksident i trefishtë automobilistik ka ndodhur pasditen e së enjtes në aksin nacional Ura e Leklit-Përmet.
Ngjarja ka ndodhur në afërsi të kthesës për në fshatin Kodër, ku tre automjete janë përplasur me njëri-tjetrin si pasojë e lagështisë në rrugë.
Dy automjete kanë qenë me turistë të huaj. Pjestarët e një familjeje franceze dhe pjesëtarët e një familje polake kanë mbetur të lënduar si pasojë e këtij aksidenti.
Nga rezultatet fillestare të hulumtuara nga policia rrugore, bëhet e ditur se automjeti tip Ford me targa polake ka goditur automjetin tip Volkswagen e marrë me qira nga familja franceze në Tiranë. Më pas, në aksident është përfshirë edhe një automjet tip Benz i drejtuar nga një banor i zonës.
Si pasojë e përplasjes janë dëmtuar pjesëtarët e familjes franceze, 3 fëmijë dhe nëna e tyre, të cilët u dërguan me urgjencë në drejtim të Spitalit Rajonal të Gjirokastrës, si dhe pjesëtarët e familjes polake me gërvishtje të lehta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
