.png)
Nga Gazeta Si- Një i vdekur dhe dy të plagosur është bilanci i një aksidenti të ndodhur në Elbasan mëngjesin e së martës.
Në aksin kombëtar Elbasan–Librazhd, konkretisht në vendin e quajtur Xibrakë, dy automjete që lëviznin me shpejtësi janë përplasur, duke bërë që një person të ndërrojë jetë dhe dy të tjerë të plagosen rëndë.
Një automjet tip BMW me targa bullgare është përplasur me një Hyundai me targa shqiptare. Si pasojë ka ndërruar jetë drejtuesi i mjetit BMW, ndërsa drejtuesi dhe pasagjeri i Hyundai-t janë transportuar dhe kanë shkuar për ndihmë mjekësore në spitalin kirurgjik Elbasan.
Sipas informacioneve paraprake të policisë, automjeti me drejtues F.A., 68 vjeç, është përplasur me automjetin tjetër që drejtohej nga N.D., 33 vjeç.
Si pasojë, drejtuesi 68-vjeçar ka ndërruar jetë, ndërsa janë dëmtuar N. D. dhe tre pasagjerë të tjerë që ndodheshin në automjetet e përfshira.
Policia sqaron se të lënduarit janë transportuar menjëherë drejt spitalit dhe ndodhen jashtë rrezikut për jetën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
