.png)
Nga Gazeta ‘Si’- Pas reagimit të Ajola Xoxës, e cila hodhi poshtë si gënjeshtra të pavërteta gjithçka është thënë në media mbi aludimet lidhur me shumta e supozuara për blerje online nga ana e saj, ka ardhur edhe reagimi i kreut të PD Sali Berisha.
Në një konferencë për media, Berisha tha se blerjet e saj janë të faktuara.
“Faturat doganore, unë i kam sjellë këtu dhe jam i sigurt që janë vënë në dispozicion të Ajola Xoxës dhe faktojnë shifrën e bërë publike nga Prokuroria”, deklaroi ish-kryeministri.
Por, Berisha tha se më e rëndë sipas tij, është se janë shpërdoruar paratë e taksapaguesve shqiptarë dhe atyre amerikanë e europianë.
“Mendoj se aktet më të rënda, më të rënda, janë financimi i Ajola Xoxës dhe familjarëve të saj, nga burri i saj Erion Veliaj, nga paratë e taksapaguesve. Kjo përbën një vjedhje publike të hapur, sepse nuk duhej të ndodhte kurrsesi.
Mendoj se po kaq e rëndë dhe me një peshë specifike shumë të veçantë është shpërdorimi që ka bërë kompania Byla me paratë e taksapaguesve europiane dhe amerikane. Me faktuara fiktive janë përpjekur të justifikojnë vjedhjen e parave. Prandaj Ajola Xoxe, Erion Veliaj, Edi Rama dhe të gjithë ata që kanë marrë fonde të taksapaguesve amerikanë dhe europiane, t’i kthejnë sa më parë”, tha kreu demokrat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
