Kristian Eriksen është gati të ndërpresë kontratën me Interin. Ai nuk mund të luajë në Serinë A për shkak të problemit kardiak që kaloi dhe rregullores në Itali, kështu që duhet të zgjedhë një kampionat tjetër.
Sipas asaj që bën me dije “Corriere dello Sport”, mesfushori danez është pranë një marrëveshjeje për të mbyllur gjithcka me mirëkuptim me klubin zikaltër. E ardhmja e Eriksenit, gjithmonë sipas gazetës italiane, lidhet me Ajaksin, ekipin ku mesfushori bëri hapin e madh në karrierë, për t’u transferuar më pas në Premier Ligë me Totenhemin dhe së fundi në Itali me Interin.
Ajaksi i ka hapur dyert futbollistit danez, i cili dëshiron të luajë edhe pak para se të varë “këpucët në gozhdë”. Eriksen është jashtë aktivitet që në verë, kur gjatë Europianit pësoi atë sulm në zemër në ndeshjen me Finlandën. Ai ka ndjekur një program special rehabilitimi dhe tani duket se është gati të kthehet në fushë me fanellën e ekipit të madh holandez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
