AI tashmë mund të diagnostikojë dhe një tjetër sëmundje

AI tashmë mund të përshpejtojë diagnozën e sëmundjes celiake, sipas hulumtimeve.

Sëmundja celiake është një gjendje autoimune që shkaktohet nga konsumimi i glutenit që gjendet në grurë, thekër dhe elb dhe simptomat përfshijnë ngërçe në stomak, diarre, skuqje të lëkurës, humbje peshe, lodhje dhe anemi.

Sëmundja celiake e patrajtuar mund të çojë në komplikime më serioze si kequshqyerja, osteoporoza, anemia dhe infertiliteti, si dhe një rrezik në rritje të disa llojeve të kancerit dhe problemeve të tjera autoimune.

Aktualisht, shumica e të rriturve diagnostikohen përmes një testi gjaku për praninë e antitrupave ndaj glutenit, e ndjekur nga një biopsi. Patologët më pas kontrollojnë mostrën e biopsisë për dëmtime që prekin zorrës e hollë.

Tani shkencëtarët në Universitetin e Kembrixhit kanë zhvilluar një mjet inteligjence artificiale që mund të përshpejtojë shkallët e diagnozës dhe të ulë kohën e diagnostikimit për raste më komplekse. Algoritmi u trajnua dhe u testua në më shumë se 4000 imazhe të marra nga pesë spitale të ndryshme, duke përdorur pesë skanerë të ndryshëm nga katër kompani të ndryshme.

Studimi, i publikuar në Neë England Journal of Medicine AI, zbuloi se algoritmi ishte po aq efektiv sa një patolog në diagnostikimin e sëmundjes celiake. Dhe më e rëndësishmja, algoritmi i mësimit të makinës ishte shumë më i shpejtë në krahasim me një patolog.

Elizabeth Soilleux, konsulente hematopatologe dhe profesoreshë e patologjisë në Universitetin e Kembrixhit tha se mund të duhen shumë vite për të marrë një diagnozë të saktë dhe në një kohë presionesh intensive në sistemet e kujdesit shëndetësor, këto vonesa ka të ngjarë të vazhdojnë.

“AI ka potencialin ta përshpejtojë këtë proces, duke i lejuar pacientët me kohë më të shpejtë që të marrin diagnozën.”

Sipas Dr Florian Jaeckle, bashkautor i hulumtimit, një patologu i duhen pesë deri në 10 minuta për të analizuar çdo biopsi, ndërsa modeli i AI mund të diagnostikojë sëmundjen celiake menjëherë.

“Biopsitë duodenale (dhe në veçanti testet për sëmundjen celiake) shpesh vendosen në fund të listave të patologut pasi ato nuk janë aq serioze sa për shembull një rast i mundshëm kanceri, që do të thotë se pacientët shpesh duhet të presin javë apo edhe muaj për të zbuluar nëse kanë sëmundje celiake”, tha ai.

Me AI ata mund të merrnin një rezultat pothuajse menjëherë, sepse është në gjendje të gjenerojë rezultate në më pak se një minutë dhe sapo të skanohet një biopsi. Prandaj, nuk do të kishte kurrë një listë pritjeje me AI.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.