.png)
Gazeta Si – Është “tragjike” dhe “zemërthyese” që “aq shumë njerëz të pafajshëm u vranë gjatë operacionit të kryer nga Izraeli në Rripin e Gazës për gjetjen e katër pengjeve”.
Është Këshilltari i Sigurisë Kombëtare në Shtëpinë e Bardhë, Jake Sullivan, ai që thyen heshtjen e SHBA-së për sulmin në Nuseirat.
Një operacion, i cili – burimi është Hamasi – do të kishte shkaktuar 274 vdekje dhe 698 plagosje dhe që u zhvillua me mbështetjen e SHBA-së, por që – konfirmon Sullivan – shkaktoi “vdekje midis civilëve”, pavarësisht se çoi me sukses në kthimin në shtëpi të katër prej tyre. Sullivan shton se një marrëveshje do të ishte mënyra më e mirë për të liruar pengjet.
“Pa këtë, – vazhdoi ai, – dhe pa thënë Hamasi po, për fat të keq do të shohim që konflikti dhe operacionet ushtarake të vazhdojnë, në të cilat Izraeli do të përpiqet të shpëtojë qytetarët e tij”. Shumica e vendeve të Lindjes së Mesme, të udhëhequra nga Egjipti dhe Turqia, e dënojnë operacionin.
Numri i “viktimave kolaterale” është shumë i lartë. Aq sa dje në mëngjes nga Centcom, komanda amerikane, ata shpejtuan të sqaronin: “Doku humanitar, përfshirë pajisjet, personelin dhe burimet e tij, nuk u përdorën në operacionin e shpëtimit të pengjeve sot në Gaza”. Ndërkohë, detaje të reja dalin rreth operacionit. Strategjia e miratuar është ajo e maskimit.
Sipas uebsajtit saudit “Asharq”, i cili citon dëshmitarë në Gaza, disa anëtarë të forcave speciale izraelite, u kamufluan si persona të zhvendosur nga Rafah.
Sajti “Ynet”, shton se forcat speciale të përfshira janë pjesë e njësive izraelite që veprojnë në zonat palestineze, të mësuara të përzihen me vendasit duke folur rrjedhshëm arabisht.
Njësia, e cila përfshin gjithashtu gra, hyn në kampin Nuseirat nga një zonë afër pikës së ndihmës amerikane dhe korridorit Nezarim, kalimi lindje-perëndim që e pret Gazën në dy pjesë në veri të kampit, i kontrolluar nga IDF (ushtria izraelite) dhe e përdorur si pikënisje për bastisje në pjesët veriore dhe qendrore të Rripit.
Forcat e kamufluara mbërrijnë me një makinë të bardhë që mbante dyshekë në tavan, gratë janë të veshura me veshje tradicionale.
Me pyetjet e vendasve, agjentët përgjigjen se ata janë zhvendosur nga Rafah si refugjatë dhe po kërkojnë strehim. Njësia më pas ndahet në dy grupe, secili i drejtuar drejt njërës prej dy ndërtesave.
Gjithçka ndodh ndërsa forcat e tjera speciale hynë në kampin Nuseirat të fshehura në një kamion me ndihma humanitare, një detaj të cilin IDF-ja megjithatë e mohoi. Në një video të publikuar në internet nga Gaza, tregohet rruga e ndjekur nga agjentët-komando.
Pamjet konfirmojnë gjithashtu se si është bërë një vrimë në murin rrethues për të hyrë në ndërtesë, ndërsa në pamjet e tjera, një automjet i bardhë me një shkallë në çati shfaqet i parkuar pranë një ndërtese.
Sipas asaj që u konfirmua nga IDF, tre pengjet meshkuj u mbajtën në shtëpinë e një reporteri të tv Al Jazeera, Abdullah Jamal, një operativ i Hamasit.
Por transmetuesi saudit mohoi lidhjen me njeriun që përkufizohej si zëdhënës i Ministrisë së Punës në Gaza.
Krahu i armatosur i Hamasit, Brigadat Qassam, në fund njoftoi se tre pengje, përfshirë një shtetas amerikan, u vranë gjatë operacionit.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
