Gazeta Si – Një gol, një asist dhe shumë, shumë grintë, në fushë dhe jashtë saj. Kevin De Bryjne shkëlqeu në ndeshjen e madhe me Arsenalin, ku Mançetser Siti fitoi 1-3 dhe barazoi ‘Topoçinjtë’ me pikë në krye të renditjes.
Belgu ishte protagonist absolut me lojërat e tij klasike, por edhe me ndonjë shkëndijë. Gjatë ndeshjes nuk kaloi pa u vënë re shtyrja që ai i dha trajnerit të Arsenalit, Mikel Arteta. Trajneri largoi topin, teksa De Bryjne po bëhej gati për një rivënie anësore dhe nuk u priti mirë atë veprim, ndaj dhe i dha një të shtyrë.
Yesterday, De Bruyne and Arteta didn't share the ball a bit 😬 pic.twitter.com/gSG1gaScKd
— Emmanuel of Kwara (@Berry675477) February 16, 2023
Por adrenalina nuk përfundoi me atë gjest dhe as pas ndeshjes. Në rrjetet sociale De Bryjne u është përgjigjur në mënyrë ironike tifozëve të Arsenalit, të cilët në momente të ndryshme kanë hedhur drejt tij gota plastike me birrë.
“Do ndonjëri birrë?”, – shkruante belgu në historitë e tij në Instagram. “Faleminderit”, – shkruante në një tjetër, ku tregonte hedhjen e gotave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
