.png)
Adoleshentët që kohët e fundit kanë rezultuar pozitivë për koronavirusin do të duhet të presin më gjatë për një vaksinë pasi ekspertët shëndetësorë thanë se shtyrja e marrjes së vaksinës mund të ndihmojë në reduktimin e efekteve të rralla anësore.
Të rinjtë nën 18-vjeç duhet të presin dymbëdhjetë javë pasi të infektohen me koronavirus përpara se të kryejnë injeksionin.
Për shkak se fëmijët zakonisht kanë vetëm simptoma të lehta të Covid-19, Komiteti i Përbashkët për Vaksinimin dhe Imunizimin(JCVI) ishin të shqetësuar se edhe efektet anësore të rralla mund të tejkalojnë përfitimet.
JCVI tha se studimet e fundit kanë treguar se rreziku i inflamacionit të zemrës zvogëlohej nëse lihej një hendek më i gjatë midis dozave.
Si rezultat, këshilltarët shëndetësorë rekomanduan që dozat e dyta të vaksinës për ata të moshës 16 dhe 17 vjeç duhet të ofrohen të paktën 12 javë pas të parës dhe gjithashtu që ata të presin 12 javë pas një testi pozitiv për Covid-19.
“Lënia e një intervali më të gjatë midis infeksionit dhe vaksinimit do të zvogëlojë më tej rrezikun shumë të vogël të miokarditit në grupmoshat më të reja,”shtoi shefja e imunizimit në Britani, Mary Ramsay.
Burimi:The Independent/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje