Kemal Ademi është një tjetër futbollist me origjinë shqiptare që vendos të përfaqësojë Zvicrën. Futbollisti ka dribluar interesimin e kuqezinjve dhe të përfaqësueses së Kosovës duke zgjedhur helvetikët, një vendim që nuk ka më kthim pas. 24 vjeçari Ademi, i cili aktualisht është pjesë e Basel, kishte të drejtë që të zgjidhte plot 4 kombëtare, Shqipërinë, Kosovën, Zvicrën ku luan prej vitesh dhe Gjermaninë për shkak se ka lindur në Filingen.
Faqja zyrtare e Federatës së Futbollit të Zvicrës ka njoftuar se sulmuesi shtatlartë tani mund të luaj për Zvicrën dhe dosja e tij është pranuar nga qeveria e futbollit botëror. “Për të përfituar të drejtën e aktivizimit, Federata e Futbollit të Zvicrës dhe Ademi duhet të dorëzonin disa dokumente dhe arsye të qëndrueshme në FIFA. Pas shqyrtimit të aplikimit, është dhënë leja”, thuhej në njoftimin e SFV.
Ademi ka zhvilluar një sezon të suksesshëm me Basel, pasi në këtë edicion ka shënuar 10 gola, ka dhënë tre asiste në 30 ndeshje në total.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
