.png)
Gazeta Si – Ish-drejtori dhe 7 zyrtarë të zyrës vendore të Vlorës, janë kallëzuar në SPAK nga Drejtoria e Përgjithshme e Agjencisë Shtetërore e Kadastrës, me akuzën e abuzimit me legalizimet.
Pas verifikimeve të kryera, janë evidentuar shkelje të rënda në dhënien e lejes së legalizimit dhe titullit të pronësisë në cënim të truallit të Komunitetit Mysliman.
Ky institucion i akuzon zyrtarët në fjalë për “shpërdorim detyre”, pasi dyshohet se kanë legalizuar një objekt duke cënuar xhaminë e Vlorës.
Të kallëzuarit janë: Erdet Mandi, aktualisht Drejtor i ASHK, Bilbil Aliaj, ish-Drejtor i ASHK, Renato Beshaj, ish-përgjegjës i sektorit të legalizimeve ASHK, Denis Metaj, ish- përgjegjës i sektorit hartografisë, Dorjana Ferati, ish-përgjegjës i sektorit të çështjeve të pronësisë, aktualisht përgjegjëse e arshivë-protokollit ASHK, Anisa Golemi, specialiste ASHK, Bojkena Bani, ish-specialiste ASHK, Teuta Meço, specialiste ASHK.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
