Ditën e fundit të “shkollës”, në këmbë mbi “banka” për të kërcyer dhe festuar, është ngjitur Maks Vershtapen. Piloti holandez është i vetmi që gjatë këtij sezoni e ka bezdisur realisht Mercedesin. Vershtapen ka diktuar garën në Abu Dhabi, e fundit për vitin 2020.
Piloti i Red Bulll-it e ka nisur garën në krye dhe nuk e ka lëshuar atë deri në fund, Makinat Mercedes të Valteri Botas dhe Ljuies Hemilton kanë mbërritur pas tij në finish. Kampioni i botës nuk ishte në formën e tij më të mirë, diçka normale pas atyre 10 ditëve të kaluara në izolim për shkak të infektimit nga Covid-19.
Një garë e dobët për Ferrarin, që e ka mbyllur me Leklerk në vend të 13-të dhe Fetel në vend të 14-ë. Mbyllet kështu ky kampionat, ku vendin e parë për konstruktorët e ka zënë Mercedesi, me 579 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
