Abu Dhabi e ka vendosur Shqipërinë në listën e vendeve me ngjyrë jeshile, që do të thotë se shqiptarët nuk do ta kenë të detyrueshëm karantinimin.
Lajmi u përcoll të mërkurën nga Ministria për Europën dhe Punët e Jashtme, e cila njofton se duke filluar nga dita e sotme (14 Korrik ) Emirati i Abu Dhabit e ka vendosur Shqipërinë në listën e vendeve me ngjyrë jeshile.
Sipas Ministrisë, kjo do të thotë që në momentin e hyrjes në territorin e këtij vendi, shqiptarët nuk do ta kenë të detyrueshëm karantinimin.
MEPJ thekson se, përpara çdo udhëtimi në vendet e BE-së dhe në vende të tjera të botës, qoftë për turizëm apo punë, qytetarët duhet të sigurohen të kenë informacionin e duhur për destinacionin e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
