.png)
Që nga zbulimi i tij në Afrikën Jugore muajin e kaluar, varianti Omicron është përhapur në të gjithë globin, duke sjellë me vete frikë, kufizime të reja sociale dhe një sezon tjetër kaotik të Krishtlindjeve për disa vende.
Megjithatë, shumë gjëra mbeten të panjohura rreth variantit shumë të transmetueshëm në këtë fazë të hershme të zhvillimit të tij, me më shumë të dhëna klinike ende të nevojshme për të përcaktuar saktësisht se si sulmon dhe si reagon ndaj grupit të vaksinave, të cilat kanë funksionuar aq mirë kundër shtameve të mëparshme.
Studimet e hershme kanë treguar se një dozë përforcuese është thelbësore për të qenë të mbrojtur nga Omicron, kjo është arsyeja pse ekspertët në mbarë botën kanë inkurajuar qytetarët të marrin një dozë të tretë vaksine.
Këtë javë shkencëtarët raportuan se një injeksion përforcues provokoi një përgjigje nga sistemi imunitar i trupit ndaj virusit brenda dy -tri ditëve , jo javë, siç është menduar më parë, duke aktivizuar me shpejtësi qelizat e kujtesës T dhe B përgjegjëse për gjurmimin e infeksionit dhe duke prodhuar antitrupa.
"Imuniteti i krijuar pas një goditjeje përforcuese do të rritet shumë më shpejt se përgjigja e parë imune," komentoi Gary McLean, një profesor i imunologjisë molekulare në Universitetin Metropolitan të Londrës.
Një tjetër studim i ri interesant në Universitetin e Shëndetit dhe Shkencës në Oregon ka treguar që kështu mund të zhvillohet edhe “super-imuniteti” tek disa. Studimi ekzaminoi gjakun e 26 njerëzve të cilët kishin marrë tre doza vaksine dhe zhvilluan antitrupa që ishin tepër efektivë, duke krijuar kështu një formë super-imuniteti, sipas studiuesve.
"Nuk mund të marrësh një përgjigje imune më të mirë se kjo," tha autori i studimit. Këto vaksina janë shumë efektive kundër sëmundjeve të rënda. Studimi ynë tregon që individët që vaksinohen dhe më pas ekspozohen ndaj një infeksioni të ri kanë super-imunitet, Fikadu Tafesse, një profesor i mikrobiologjisë molekulare dhe imunologjisë në Shkollën e Mjekësisë të universitetit.
Kolegu i tij Marcel Curlin ishte edhe më optimist për gjetjet e studimit, duke komentuar se kjo nuk do të thotë se jemi në fund të pandemisë, por tregon se deri ku mund të arrijmë pasi të jemi vaksinuar dhe më pas të ekspozoheni ndaj virusit.
"Studimi ynë nënkupton se rezultati afatgjatë do ndikojë në zvogëlimin e ashpërsisë së pandemisë”, shtoi ai.
Studiuesit nuk kanë pasur ende një mundësi për të testuar gjetjet e tyre kundër Omicron në mënyrë specifike, por thonë se ata nënvizojnë rëndësinë e vaksinimit për të siguruar që trupi juaj të ketë një mbrojtje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
