.png)
Që vaksinat e vjetra do të funksionojnë ende në një farë mase dhe të reja janë të mundshme është një fakt qetësues. Por nëse, përmes një përzierjeje të transmetueshmërisë së lartë dhe evazionit imunitar, Omicron na vërteton se do të kemi infektime dhe riinfektimine të reja në gjithë botën, atëherë mund të presin disa muaj me jo pak gunga për ekonominë.
Jerome Poëell, kryetari i Rezervës Federale të Amerikës, ka sugjeruar se nëse njerëzit do t’i frikësoheshin variantit të ri, ata mund të largoheshin nga forca e punës. Kjo mund të përkeqësojë mungesën e fuqisë punëtore dhe të çojë në rritjen e pagave. Nëse do të godiste fort Vietnamin, apo edhe Kinën, kriza e zinxhirit të furnizimit mund të përkeqësohej.
Por për shumë suksese parashikimet për rritjen globale kanë nisur të zvogëlohen me disa të dhjetat e përqindjes, në asnjë rast nuk kemi rritje negative siç desh të riktheheshim në mars të 2020-ës. Sipas një sondazhi të kryer nga Deutsche Bank në 29 nëntor, vetëm 10% e pjesëmarrësve në tregjet financiare menduan se varianti i ri do të ishte “tema më e madhe në tregjet financiare në fund të vitit”. Kjo për shkak se ekonomia ka zhvilluar një nivel të tolerancës ndaj sëmundjes; nuk e prish më jetën aq sa dikur, dhe kështu, duke pasur parasysh nivelet e rasteve me Covid, pranimet në spital dhe madje edhe vdekjet kanë më pak ndikim ekonomik sesa si dikur.
Analiza nga Goldman Sachs, kombinon të dhënat mbi masat e detyrueshme të distancimit social dhe sasinë e respektimit të saj nga njerëzit sa herë ata takohen në një "indeks efektiv të bllokimit". Dy variantet e mëparshme të rëndësishme, Alpha dhe Delta,na detyruan të shtrëngonim kufizimet në lëvizje por që gjithësesi mbetën në një nivel dukshëm më të ulët se në fillim të vitit 2020 . Në nëntë muajt e fundit, vetëm një pjesë e vogël e vendeve janë mbyllur aq rreptësisht sa në vitin 2020.
Qeveritë e botës së zhvilluar janë më pak të gatshme për të vendosur masa të forta, kryesisht sepse vaksinat kanë dobësuar ndjeshëm lidhjen midis rasteve dhe pranimeve në spital dhe vdekjes. Ilaçet dhe trajtimet më të mira kanë ndihmuar gjithashtu, dhe pilulat e reja antivirale nga Merck dhe Pfizer duhet t'i përmirësojnë gjërat më tej - megjithëse terapitë ekzistuese të bazuara në antitrupat e prodhuar në masë mund të jenë më pak efektive kur përballen me majën e Omicron.
Qeveritë kanë gjetur gjithashtu se disa masa, duke përfshirë karantinë dhe mbylljen e shkollave, sjellin pak përfitime me kosto të lartë; kështu ato nuk janë më pjesë e paketës së mjeteve. Më shumë politikëbërës gjithashtu pranojnë se Covid po bëhet endemik. Në SHBA shumë guvernatorë të shteteve kanë premtuar se nuk do të zbatojnë më bllokime. Më 30 nëntor, qeveria britanike kundërshtoi sugjerimet e këshilltarëve të tyre mjekësorë se njerëzit duhet të kufizojnë kontaktet sociale.
Pajtueshmëria publike me kufizimet është zbehur gjithashtu. Njerëzit janë më pak të frikësuar nga virusi ose më shumë të dorëzuar ndaj fatit të tyre. Holanda dhe Austria janë teknikisht në izolim, por njerëzit janë rreth dy herë më të lëvizshëm sesa në fillim të vitit 2021, sipas një analize të të dhënave të lëvizshmërisë së Google për vizitat në vendet e shitjes me pakicë dhe rekreacionin, vendet e punës dhe ndalesat e transportit publik të kryera.
Dhe ajo që quhet distancim social megjithëse vazhdon ende, tani ka më pak kosto ekonomike sesa dikur. Njerëzit mund të punojnë në mënyrë më efikase nga shtëpia, sepse ata kanë investuar në teknologji që u mundësojnë atyre të përmirësojnë zyrën e tyre virtuale. Bizneset janë gjithashtu më të afta të përballen me bllokimet. Shitësit me pakicë kanë përmirësuar ofertat e tyre në internet, ndërsa restorantet dhe baret bëjnë më shumë ushqime. Në mesin e vitit 2020, një shtrëngim me dhjetë pikë i indeksit Goldman provokoi një rënie prej 6% të PBB-së. Por efekti u dobësua në muajt në vijim dhe tani është rreth 2%.
Në ditët dhe javët në vijim Omicron do të tregojë ngjyrat e tij të vërteta. Mund të jetë jashtëzakonisht e rrezikshme. Por në dy vitet që kur njerëzit në Ëuhan filluan të preken nga një sëmundje e re e çuditshme, është mësuar shumë për sars-cov-2, si ta trajtojmë atë dhe si të jetojmë me të. Kjo, të paktën, duhet të jetë një ngushëllim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
