A do të jetë Kryetarja e Komisionit të Ekonomisë, Milva Ekonomi, kryetarja e ardhshme e Bashkisë së Durrësit, sipas një deklarate të Lulzim Bashës kohë më parë, se ajo do të zëvendësojë Emiriana Sakon, me qëllim firmosjen projektit për sjelljen e plehrave të Durrësit në Sharrë?
“Unë jam duke punuar në Kuvendin e Shqipërisë, dhe intervistën jam duke e dhënë prej andej. Unë jam ende në detyrë. Jam deputete e Kuvendit të Shqipërisë”, tha Ikonomi për A2 CNN
Kryetarja e Komisionit të Ekonomisë tha se edhe vendimi për rritje rrogash të mjekëve, infermierëve, mësuesve apo për zerim taksash është bërë mbi bazën e përllogaritjeve të mirëmenduara.
“Unë besoj se llogaritë janë bërë edhe duke pasur parasysh ekspertizën që jep si FMN dhe BB duke përdorur të gjitha burimet e dijeve dhe të dhënave që ka në Shqipëri. Parashikimet nuk janë vetëm elektorale, por janë të mbështetura mbi të dhëna…”, tha ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.