.png)
Alice Rufo, ministre e deleguar për ushtrinë në Francë foli mbi vështirësitë që aleanca e NATO-s mund të haste në një ndërhyrje ushtarake në Hormuz.
“Më lejoni t’ju kujtoj se çfarë është NATO. Është një aleancë ushtarake e përqendruar në sigurinë e rajonit euro-atlantik. Nuk është krijuar për të kryer operacione në Gjirin e Hormuzit, gjë që do të përbënte shkelje të së drejtës ndërkombëtare,” tha Rufo në Paris.
Më herët u raportua se Presidenti Donald Trump ka thënë se po shqyrton mundësinë e tërheqjes së SHBA-ve nga NATO.
Në një intervistë për gazetën britanike “The Telegraph”, lideri i Shtëpisë së Bardhë e cilësoi aleancën euro-atlantike si një “tigër prej letre”, duke shtuar se tërheqja e Amerikës nga aleanca është “përtej çdo rishqyrtimi”.
“Nuk u ndikova kurrë nga NATO. Gjithmonë e dija që ata ishin një tigër letre, dhe Putini e di këtë edhe vetë”, deklaroi lideri amerikan, kur u pyet nëse do ta rishqyrtonte anëtarësimin e SHBA-së në aleancë pas konfliktit të nisur në Iran.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje