.png)
Nga Gazeta ‘Si’- Kreu i Grupit Parlamentar demokrat, Gazment Bardhi, ka akuzuar mazhorancën se ka shkelur kushtetutën dhe rregulloren e Kuvendit, pasi ka futur në rendin e seancës së nesërme 8 ligje të paketës fiskale pa respektuar, sipas tij afatet për shqyrtimin e tyre.
Në mbledhjen e Konferencës së kryetarëve, Bardhi tha se, deputetët i kanë marrë projektligjet më 14 nëntor dhe mazhoranca po kërkon t’i miratojë brenda 24 orëve, një praktikë që ai e cilësoi të papranueshme.
“Keni futur në kalendar 8 ligje të paketës fiskale. I keni futur për seancën e nesërme, në shkelje të plotë të Kushtetutës. Këto ligje u janë dhënë deputetëve në datën 14 nëntor dhe kërkoni t’i miratoni nesër. Kjo është e papranueshme dhe hedh në erë çdo procedurë parlamentare”, deklaroi Bardhi në Konferencën e Kryetarëve.
Ai paralajmëroi kryetarin e Kuvendit se do ta çojë këtë në Kushtetuese.
“T’u lini vetëm 24 orë kohë për të diskutuar 8 ligje mund ta bëni vetëm ju, dhe nuk e di, Kryetar, kush ju shtyn ta bëni këtë. Po jua them këtu se kjo çështje do të shkojë në Gjykatën Kushtetuese”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
